Ang mga positibo at negatibong Epekto ng DotA sa mga Kabataan

 

  Sa panahon ngayon, mabilis ang pag-unlad ng ating teknolohiya. Isa sa mga produkto ng mabilis na pag-unlad ay ang pagkakaroon ng kompyuter at Internet. Dahil sa bukas ang ganitong teknolohiya sa publiko, maraming kabataan ang nahuhumaling sa pagkokompyuter. Dahil sa abot kaya at mura ang bayad, gumuguguol sila ng maraming oras sa paglalaro ng mga Computer games at sa paggamit ng mga Social Networking sites. Alam mo ba kung ano ang DotA? Alam mo ba kung ano ang ibig sabihin ng mga letrang bumubuo sa salitang DotA? Kilala mo ba si IceFrog? Si Tuskarr at si Phoenix? kung alam mo ang sagot sa mga tanong na ito, masasabing ikaw ay mahilig maglaro ng DotA. Ang Defense of the Ancients o mas kilala sa tinatawag nating Dota ay isang sikat na sikat na laro na minamahal nating mga Pilipino, bata man o matanda. Araw-araw, ang DotA ay nilalaro sa mga internet shops sa buong bansa. Karamihan sa mga naglalaro nito ay ang kabataan. Ang isang laro ng DotA ay umaabot sa isang oras o higit pa, at kung nasiyahan ka sa una mong laro, tiyak na hindi ka makukuntento sa isa lang. Kaya naman nag-iipon ang mga bata ng pera para lang may makapaglaro sila ng matagal sa mga internet café, at dahil na rin sa hilig ng mga bata na maglaro at maglaro ng DotA ay sinasabi ng marami na wala itong mabuting naidudulot sa mga bata, mas lalo na sa kanilang pag-aaral. May mga guro na ring nagrereklamo dahil iilan sa kanilang mga estudyante ay tumatakas sa kani-kanilang klase para lang makapaglaro ng DotA.

  Ano ba ang DotA?

 Defense of the Ancients(DotA)

  Ang Defense of the Ancients (mas kilala sa tawag na DotA, at maaaring isalin sa Tagalog bilang Tanggulan ng mga Sinauna) ay isang larong nagmula sa larong bidyo na Warcraft: Reign of Chaos na nang maglaon ay naging Warcraft: Frozen Throne. Ang Mapa nito ay base sa mapang “Aeon of strife” ng larong Starcraft. Ang layunin sa larong ito ay sirain ang mga imprastruktura sa kampo ng kalaban. Ang bawat manlalaro ay mayroong katumbas na “yunit” nakinokontrol. Katulad ng iba pang mga RPG, ang bawat manlalaro ay nag-iipon ng ginto pambili ng gamit habang pinapataas ang antas ng kanilang karakter.

Ang mapa ay ginawa na ginagamit ang “World Editor” ng Warcraft: Reign of Chaos at nangmaglaon ay binago nang dumating ang Warcraft:Frozen Throne. Simula nang malikha ang larong DotA, marami nang pagbabago ang naganap dito (pinakasikat ang DotA Allstars) at nang tumagal ay tinawag nang DotA (bersyon 6.68). Iba’t ibang tao ang nasa likod ng pag-unlad ng larong ito. Isa narito si “Icefrog” na siyang nagmamaintain ng laro simula pa nung 2005 hanggang ngayon.

Ilang beses ng nasali ang larong ito sa mga opisyal na patimpalak sa buong mundo. Kabilang na dito ang Blizzard Entertainment's BlizzCon, Asian World Cyber Games, Cyberathlete Amateurat at CyberEvolution leagues. Ayon kay Gamasutra, ang DotA na marahil ang pinakasikat na libreng laro sa buong mundo. Sa kasalukuyan ay gumagawa ang Valve Corporation ng sequel ng DotA (DotA 2)

(Source:http://en.m.wikipedia.org/wiki/Defense_of_the_Ancients)

Ang Kalikasan ng Larong DotA

  Ang DotA ay pinangungunahan ng dalawang pangkat ng manlalaro na kapwa sumasalungat sa isa't isa: Ang Sentinel at ang Scourge. Ang mga manlalaro sa pangkat ng Sentinel ay naka-base sa Timog-kanlurang bahagi ng mapa, samantala ang mga nasa pangkat ng Scourge ay naka-base sa Hilagang-silangang rehiyon nito. Ang bawat kampo ay dine-depensahan ng mga tore at bugso ng mga karakter (creeps kung ito ay tawagin) na nagsisilbing tagapagbantay ng ruta patungo sa pinamumugarang puwesto ng isang kampo. Sa gitna ng mga kampong ito, nakatayo ang isang antigong istruktura, ito ay isang gusali na kinakailangang sirain upang manalo ang isang koponan sa laro. Ang bawat manlalaro ay maaaring gumamit ng isang karakter (hero), isang makapangyarihang yunit na walang ibang kawangis sa mga abilidad. Sa DotA, ang mga manlalaro sa bawat kampo ay pipili ng kani-kanilang karakter na gagamitin sa 112 yunit na maaari nilang pagpilian. Ang bawat hero ay nagtataglay ng kakaibang abilidad at taktikal na kalamangan mula sa ibang mga karakter. Ang eksena ay mariin na nakatuon sa pangkatang oryentasyon. Mahirap para sa isang manlalaro na dalhin ang kanyang mga kasama sa koponan at ipanalo ang laro nang nag-iisa lamang.Ang laro ay maaaring salihan ng aabot sa sampung katao na hahatiin sa limang manlalaro bawat grupo na maaaring pang madagdagan ng aabot hanggang sa dalawang tao upang magsilbi bilang mga tagapagmasid, kadalasan ang feature na ito sa mga larong may lima-katao sa bawat partido.

  Ang larong ito ay umiikot sa pagpapaibayo sa bawat indibidwal na karakter, kung kaya't ito ay hindi na nangangailangan pa ng pangangasiwa ng mga kasangkapan at pagtatayo ng mga istruktura gaya ng mga kadalasang isinasagawang pamamaraan sa mga tradisyunal na Online Role-Playing Games. Ang pagpatay sa mga niyutral na yunit na kinokontrol ng kompyuter ay mainam upang makalikom ng puntos mula sa karanasan ang isang manlalaro. Sa oras na makamit ng isang player ang kinakailangang puntos, ang manlalaro ay aakyat ng isang lebel. Ang pag-akyat ng lebel ng isang karakter ay makakapagpaibayo sa abilidad ng hero na kanyang ginagamit, kalakip pa ang unti-unting pagtaas ng mga ornamental nitong salik (Strength, Agility, Intelligence, Damage, Life Points, at Mana). Bilang karagdangan sa mga karanasang ito, pinangangasiwaan din ng isang manlalaro ang kanyang indibiwal na yaman, gamit ang ginto bilang representasyon ng salapi. Ang tipikal na pagkuha ng yaman mula sa pagbuo ng mga istruktura, mula Warcraft III, ay napalitan sa pamamagitan ng sistema ng pananalapi mula sa indibidwal na engkwentro na siyang mararanasan ng isang manlalaro habang tumatagal ang labanan. Bukod sa maliit at peryodikong sistema ng pananalapi, ang isang karakter ay maaari ding kumita ng ginto sa pamamagitan ng pagpatay ng mga yunit (mas pamilyar sa tawag na creeps), pagwasak sa mga istruktura ng katunggali, at pagpatay sa mga karakter ng kalaban. Ang konotasyon na ito ang nagsilbing hudyat upang maitutop ang istilong tinatawag na "last-hitting," kung saan humahanap ng isang tiyempo ang manlalaro para patayin ang isang yunit sa pamamagitan ng isa o higit pang tira, kalakip ang kalagayan na ito ay nasa kritikal nang estado at malapit nang makitil. Gamit ang ginto (pera), ang mga manlalaro ay bumibili ng mga kagamitan (aytem) upang mapalakas pa ang kanilang karakter at makalikom ng dagdag na kakayahan. Ang mga aytem na ito ay maaaaring pagsamahin upang makabuo ng mas makapangyarihang gamit. Ang pagbili ng aytem na tumutugma sa estado ng isang karakter ay isang mahalagang elemento sa paglalaro ng DotA. Ang paraan ng pagpili ng aytem ay nakakaapekto sa presentasyon ng isang manlalaro kung saan ang isang aytem ay maaaring makapagdagdag ng puntos sa isang istatistika ngunit ang ibang ornamental na aspekto ay maaari ding maiwang hindi nababago o nabibigyan ng karagdagang atribusyon.

   Ang DotA ay maaaring malaro sa pamamagitan ng iba't ibang modo, ito ay pinipili sa pangunguna ng host sa mga unang segundo ng laban. Ang mode ng laro ang nagdidikta sa kahirapan ng eksena na maaaring mahinuha sa oras na umarangkada ang laro, maging ang paraan ng pagpili kung ito ba ay mano-mano na pipiliin ng manlalaro o ito ay pipiliin sa paraang "random". Maraming mode ang maaaring pagsama-samahin, na magbibigay daan tungo sa mas banayad na opsiyon.

(Source:http://en.m.wikipedia.org/wiki/Defense_of_the_Ancients)

  

  May mabuti o masama bang epekto ang paglalaro ng DotA sa kabataan lalo na sa kanilang pag-aaral?

Adbentahe

  Sa aking paghahanap ng mga kasagutan sa mga kabataang naglalaro nito,Ito ang mga kasagutang aking nakalap:

   Sabi ni Ian Bernardo isang magaaral ng High School,Inaamin niya na ilang taon na siyang naglalaro ng DotA. Kung iisipin nga raw, ay may maganda namang naitutulong ang paglalaro ng DotA sa ating pag-aaral. Nagbigay siya ng apat na Adbentahe ng DotA. Una, kapag naglalaro ka ng DotA, kailangang saulado mo ang buong laro. Dapat saulado ang skills ng bawat hero, lugar kung saan makikita ang mga item, at materials para sa recipe ng isang item. Hindi raw ito madaling gawin dahil napakarami ng hero sapagkat (mayroong 100+ na hero at bawat isa ay may apat na skills), at sangkatutak rin na mga items.Dapat ay sampu o higit pa ang kailangan mong malaro para masaulo ang ins and outs ng DotA. Ngayon, paano ito makatutulong? Nakatutulong ang DotA sa kakayahan ng isang manlalaro na magsaulo ng maraming bagay. Kung kaya mong kabisaduhin ang bawat skill ng bawat hero at ang lahat ng items, hindi ka rin dapat mahirapan sa pagsaulo sa mga bagay-bagay sa iyong pag-aaral. Sa ating pag-aaral, marami tayong kailangan isaulo tulad ng mga tula, konsepto, formulas at iba pa. Sa tuwing tayo ay nag-aaral, sinasaulo natin ang mga naisulat natin sa ating mga kwaderno para mas maunawaan natin. Nahahasa natin ang kakayahan nating magsaulo sa paglalaro ng DotA. Pangalawa, kailangan mabilis tayong mag-isip sa paglalaro ng DotA. Dapat bantay ang bawat tower at ang kalabang hero. Kapag may nangyari, alam mo agad kung ano ang kailangan.Ang mental alertness ay importante rin sa ating pag-aaral dahil alam natin kaagad kung ano ang dapat nating gawin, tuwing may dumaan na guro,kapag may nakitang basura sa paligid, at sa mga tanong na ipinapasagot sa atin.Higit pa roon, ang mental alertness na hinahasa rin ng DotA ay nakatutulong hindi lamang sa ating pag-aaral kundi pati sa ibang mga bagay na rin. Pangatlo, nakatutulong rin ang DotA dahil nagagamit natin rito ang ating mga natutunan sa sipnayan dahil kumukwenta tayo para sa gold, damages, physical and magic reduction sa paglalaro ng DotA. Panghuli, ang DotA ay nagsisilbing pang-iwas sa ibang mga bisyo tulad ng paninigarilyo at paggamit ng droga na nagbibigay ng masasamang epekto sa ating katawan at isipan. Kung malululong sa mga bisyong ito, tiyak na hindi natin maiisipang mag-aral. Mas mabuti na raw ang maglaro ng DotA dahil hindi ito nakakasama sa ating katawan at marami sa kanila ang kayang ipagsabay ang DotA pati ang pag-aaral.

 Disadbentahe

  May mga ilan naman ding kabataan ang nagbigay ng kanilang mga kasagutan tungkol sa masamang epekto nito.

  Malaki ang nagiging epekto sa buhay ng tao ang sobrang paggamit ng kompyuter. Isa na sa malaking epekto ay ang kawalan ng Social Life o Pakikisalamuha sa ibang tao. Sa sobrang paggamit ng kompyuter ay hindi na nakakapag bigay ng sapat na oras sa pamilya kung kaya naman nasisira ang relasyon nila sa pamilya, kamag-anak at sa mga kaibigan. Ang sobrang paggamit din ng kompyuter ay nagdudulot ng pagkawala sa reality o realidad. Bumababa ang resistensya ng katawan dahil sa pagkapuyat at nananakit ang likod sa sobrang pagyuko at pag-upo. May mga pag-aaral din na ang paglalaro ng kompyuter games, kagaya ng dota ay nakakapagpababa din ng I.Q. ng isang tao.

  Dahil sa paglalaro into any mga kabataanay natututong mag Trash Talk o Pagsasalita ng di magagandang salita upang mawala sa pokus ang katunggaling kalaban.natututo tayong magmura dahil dito at lumilikha ito ng di magagandang ingay sa loob ng Computer Shop, marahil sa pagsasalita nito.At kung tutuusin ay madala rin natin sa ibang lugar ang ganoong mga salita.

  Sa kanilang pag-aaral ang mga tao ay naadik sa computer dahil ginagamit nila ito upang malibang at mawala ang kanilang pagod o stress. Ang paglalaro din ng computer games ay ginagamit din nila upang malimutan ang kanilang mga problema at suliranin sa buhay. Dahil sa madaling gumamit ng internet at madaling pag-aralan ang mga laro dito, marami ang nahuhumaling sa paglalaro ng computer games partikular na ang DOTA. Ang manlalaro ay matatawag na isang “ADIK” kung nakakagawa siya ng mga bagay na maituturing nating malidahil sa kanilang obsesyon sa paglalaro. Hindi nila ito maititigil ng basta basta dahil sa matinding obsesyon na maging malakas sa larong nilalaro nila. Kapag sinubukan mong pigilan ang mga manlalaro sa larong nilalaro nila (DOTA), sila ay madalas maging iritable at galit dahil ayaw nilang sila’y naiistorbo.

 Konklusyon

  Ang computer games At DotA ay may negatibo at positibong epekto sa tao. Ngunit ito ay depende parin sa nilalaman ng nilalaro at sa naglalaro, kung ito ba ay marahas o ito ay isang laro na nagbibigay sa atin ng aral upang mas mapaganda natin ang paraan ng pamumuhay. Ang masama dito ay kung puro kasamaan ang laro, maaaring hangaan nila ang tauhan at ito ay gayahin sa tunay na buhay maaring nakakaepekto ito,sapagkat mas maraming oras ng kabataan ang nailalaan sa paglalaro nito kaysa sa pag-aaral.

Sampaguita D Adventure : Aylabyu! Manong Driver!

Mabangong bulaklak ng buhay
Ito'y maputi't dalisay
Na sa puso'y patnubay
Bango nito'y walang papantay

Sampaguita, ikaw ay hiwaga
Bango mo'y nag-iiwan ng kahanga-kahanga
Isa kang Bulaklak ng aming bansa
Kung saan bango mo'y tinitingala


"Tara na Mimay! magtitinda na tayo" Si kayeene
"Ha? Ngayon na? As in newwh neh? Kala ko sa linggo pa tska mas madaming tao non" sabi ko.
"Hindi yan, nakabili na rin kasi ako",Sam
" Eh.Tatlo lang tayo?" Ako.

  Oo.Halatang AYOKO. Dahil wala ako sa wisyo magtinda.Tinatamad ako.Nakakahiya.Wala ako sa mood. para kapalan ang mukha ko.Alam kong makapal na. Tinatamad lang talaga ako. XD

Araw ng Miyerkules.
Ika-walo ng Septembre 2014.
Walang KLASE. pero May PASOK. para daw sa Attendance
" Nako.Sayang pamasahe" rinig ko sa mga nakakasabay kong lumakad napaisip din ako " Oo nga no? Uuwi nalang ako ng maaga " Nauna akong nakarating sa CAS. Naghintay doon at mya-mya ay dumating na ang mga iba kong kaklase nagaimula na  kaming mag attendance at pagkatapos non. Eto na. Nag-aya na sila Sam at Kayeene sa simbahan daw kami rarampa... Ay. Magtitinda pala. 10:00 ng Umaga kami nagsimulang lumabas ng Campus. Una kaming pumwesto sa Simbahan sa bayan. Walang misa. Wala ring tao sa loob pero may mga nagtitinda sa labas nito Cotton Candy, Kandila,puto bumbong at kung ano-ano pa. Nagpaalam kami sa kanina kung maaari kaming sumabay. Mababait sila, pumayag naman. Nagsimula na kaming lumapit sa mga kapwa estudyante rin na namin sa nag aaral sa CvSu na dumadaan. Nakakahiya.karamihan sa mga lalaki ay iniisnob lamang kami "Kuya, sampaguita po. Limang piso lang" na may kasamang paglapit. Nakakahiya, baka makilala nila kami. " Ate Sampaguita po" snob ulit. Napagdesisyunan naming lumipat ng pwesto "Tara sa paradahan tayo ng Tricycle" Pag-aya nila " Kuya, Manong Driver...Sampaguita po, limang piso lang"  pagsabi namin ng may ngiti. Sa di kalayuan may isang driver na bumili sa samapaguita ni Kayeene. Kailangan na naming galingan ng makabenta nang maubos na'to. Dahil PALABAN SI WATA, di ako nagpatalo. Aura dito.Aura doon at Ayun! Si Manong driver " Kuya bili na po kayo nang Sampaguita" "Magkano ba yan?" Tanong niya. " Limang piso po. Mabangong mabango" "O sige. Eto (nagbigay ng limampiso) sabit mo nalang sa Tricycle ko" Yesssssss! Ang saya.nakabenta ako.kumoslap ang mga mata ko sa hawak komg limang piso." Thank you po! God bless po" LIGAYA MAMEEEN! Sumunod naman na nakabenta at di rin nagpahuli ay si Sam. Yehey! Tapos na kame. 10:45 ng umaga ng makatapos kami. Saglit lang pala. Aylabyu Manong Driver! Natapos din kame.
   Madalas may mga pagkakataon na ikinahihiya natin sang trabaho ng mga magulang natin yung may pagtitinda sa kalye, yung mga basurero, tagalaba at kung ano-ano pa. Isa ako sa mga estudyante na ipinagaaral o nakakapag-aral dahil sa pagtitinda ng Ulam o Carinderia ng mga magulang ko at ang papa ko naman any magjuejueteng. Sa buhay ko minsan ko narin silang ikinahiya kase karamihan ang mga kaklase ko ang mga mahulang nila ay manager ng kumpanya ang mga trabaho.pero sobrang mali pala yun.dahil kaijlhit kailan Hindi naman nahiya sang mga magulang kong gawin yun.dahil nabubuhay kami dito sa araw-araw.kaya Hindi natin dapat ni la "Lang" ang mga marangyang hanapbuhay. Dapat sinasaluduhan natin ang mga ganoong tao at trabaho.
   Tulad nga ng pagtitinda ng sampaguita, dapat at hindi natin ito ikinahihiya dahil dapat maproud ka kase PAMBANSANG BULAKLAK ANG HAWAK-HAWAK MO.IRAMPA MO YAN!  Naranasan ko na masaya ang pagtitinda nito kase ilalagay mo ito sa poon. Sadyang may mabuting puso talaga ang tao. Sa Kabilang banda, Mahirap din ang hindi ka pinapansin sa ginagawa mo at walang bibili sayo .Kadalasan nakakapagod din yon. Narealize ko na dapat pala ay hindi ko/natin isinasawalang bahala ang mga may ganoong hanapbuhay. Tama nga si Sam nang pagsabi na noong araw kami magtinda. Nawala ang hiya ko at napalitan ng malaking ngiti at kasiyahan.Naging positive ang pananaw ko.Sabay-sabay naming itinago ang mga limang piso upang magsilbing Isang Ala-ala sa mga The Best Experience ko sa Cvsu! Salamat na din po. Ser Jeff! :) TALAGA NGA NAMANG IKA'Y KAHANGA-HANGA ! Mabuhay ka ngang Talaga ! Hahaha :)

Kwento mo sa turtle: Kume-kinect-kinect na ko!

#BOOMPANAGINIP: Eto na..Ipipikit ko na!

Agosto 23,2014

"Magkahalong Takot"

Sabado. Alas dose pasado.

Gising pa din ang diwa ko ngunit nakadarama na ako ng bigat ng mata,

nagbabasa pa ako at nagtetext sa oras na ito

 " wala na,di ko na kaya matutulog na ako" sabi ko sa sarili.

Ipinikit ko na ang mga mata ko.

Nagsimula na akong maglakbay sa isang di kaaya-ayang panaginip

 bangungot pa nga kung tatawagin.

  Naglalakad ako sa labas ng aming bahay, Sa di kalayuan may mga nagtatakbuhang mga grupo ng tao papunta sila sa kinatatayuan ko at ng medyo malapit-lapit na sila natanaw ko sa likod ng kumpol na grupong nagtatakbuhan ang isang napakalaking Buhawi halos lahat ng nadaanan nito ay sirang-sira na at ang mga taong nagtatakbuhan naman ay nilamon na ng nakakatakot na buhawi habang ako naman ay nasa gilid lang at naninigas sa aking kinatatayuan sa lagay na kong ito halos mapipi ako sa gulat at nang makita ko na unti-unting lumalapit ang buhawi may isang taong humawak sa braso ko na halos kaladkarin ako palayo sa daraanan ng buhawi" ANO KA BA? GUSTO MO NA BA MAMATAY? KUNG OO AKO ANG PAPATAY SAYO!" natulala ako nang makita kong pugot ang ulo ng taong ito, kinilabutan ako ng sobra,tumayo ang mga balahibo, lumaki ang mata at nagtangkang sumigaw "Waaaaaaaaaah......aaaaaahhhhh!"  Hindi ako makasigaw pero pakiramdam andami ko nang naisigaw walang makarinig sumigaw akong muli pero para akong pipi na tila napuputulan ng hininga sa pagsigaw.Hawak-hawak niya parin ang braso ko at patuloy akong kumakalas dito sobra-sobra na akong umiiyak sa takot.Gusto kong tumakbo.tumakbo ng tumakbo pero hawak parin niya ako. Biglang gulat ko nang may inilabas siyang isang napakalaking chainsaw at sa gilid nakita ko ang ulo niya, gumagalaw ang mata na at Ipinaikot-ikot niya pa.sobra-sobrang takot na ang nararamdaman ko, sinubukan kong ulit sumigaw hanggang sa may bumulong sa tainga kong " Uy.gumising ka...ungol ka nang ungol, binabangungot ka"

Agosto 24,2014

"Bago na raw ang Langit!"

Linggo. Alas otso ng gabi

Tulala..lutang...pagod galing simbahan.

Naghilamos ako at naglinis ng katawan. Lumabas sa palikuran

"Nak,kumain ka muna bago matulog" " kumain na po ako", sabi ko ..

Pumasok ako sa kwarto.Naupo..nag-isip saglit.. Huminga.

                                                                   --    <blackout> --

  Sa Isang lugar naglalakad ako, nakasuot ng puting bistida above the knee ang tema .. Yuck! Ayoko nito, hinubad ko raw ang damit na ito at pagkahubad ko, ibang damit na ang suot-suot ko, naging itsurang Ball gown na ito.Ang galing! Kulay pula pa at kumikinang ...tuwang-tuwa akong naglalakad na may kasamang pagtalon pa, kumanta ng Happy Birthday, Di ko alam kung bakit?!. Bigla kong napansin sa paglalakad ko, may mga kumpol-kumpol na mga magagadang klase ng bulaklak. May sun flower,mga rosas na kulay asul,berde at itim.tuwang tuwa akong nagpipipitas at ng biglang nahulog ang isa kong ngipin sa unahan."Ayun may CHRYSANTHEMUM, paborito ko yan"may sumitsit.umalis ako at naglakad uli, sa di kalayuan parang nasa karagatan ata...yung Nubus illa? Yung isla sa langit.umakyat ako dun pero bago ako makaakyat dumaan muna ako sa parang gitna ng tubig na parang may yelo-yelo pa.. Hanggang sa nakarating ako sa itaas. Doon parang may isang malaking bahay tapos wala kang makikita sa paligid kung hindi mga halaman,puno at bulaklak. Ang green green ng paligid." SOBRANG GANDA" may ilog sa harapan. tapos iba-ibang klase ng hayop. Pagkatapos, may isang lalaking matipuno na kamukha ni Jacob! Yung sa Twilight ang gwapo niya kaya niyakap ko siya. at sinabi niyang "WELCOME SA BAGONG LANGIT !"

Agosto 25, 2014

" Si James Reid Nga Kasi "

Lunes.Ala una y media ng tanghali.

Sobrang init! Nakakapang init ng ulo. Nakakabaliw.

Nag cocomputer ako..

Nag facebook ...nag chat .. at natawa sa mga nababasa

..Nambully at Nag post. Nakaramdam ako ng antok ...

"Antukin talaga ako"

  "Nanananananaaaa" kumakanta ako sa loob ng bahay, kinakanta ko ang kanta ni James Reid halos nagwawala ako, sumasayaw at feel na feel ang kinakanta ko pero "Nananaana" lang ang nasasabi ko. pumasok sa kwarto ko ang lola ko at sinabing may bisita raw ako. Nagulat ako bang si James Reid! Tapos binigyan niya ako bang script ng pelikula nilang Talk back and you're Dead! At sinabi niyang isa daw ako sa mga bida.  tuwang-tuwa akong nagtatatalon. Biglang nagiba yung settings, napunta kame sa lugar ng pinagshushootingan nila nakasakay pa nga kame sa kotse ni James Reid at sa loob ng sasakyan kanta ako ng kanta ng "NANANANANA" nanaman bumaba na ako at ako na raw ang eeksena magsasalita na ako ng biglang ..." My, gumising ka,may naghahanap sayo si Jermaine" Nagising na ako. Naudlot pa. Badtrip. sandali akong natulala.."napanaginipan ko yung crush ko!! Si James Reid OhGulay !"